[ad_1]
ମୁମ୍ବାଇ: ଲୋକପ୍ରିୟ ଓ ସୁପରହିଟ ସିନେମା ‘ଦିଲ୍ ବାଲେ ଦୁଲହନିଆ ଲେ ଜାଏଙ୍ଗେ’ ବା ‘ଡିଡିଏଲଜେ’କୁ ବଲିଉଡର ମାଇଲଖୁଣ୍ଟ କହିଲେ ଅତ୍ୟୁକ୍ତି ହେବ ନାହିଁ। ଏହି ସିନେମାକୁ ଦେଖିବା ପାଇଁ ଆଜି ପର୍ଯ୍ୟନ୍ତ ବି ଲୋକଙ୍କ ମନରେ ଦୁର୍ବଳତା ଓ ଭଲପାଇବା ଅଛି।
‘ଦିଲ୍ ବାଲେ ଦୁଲହନିଆ ଲେ ଜାଏଙ୍ଗେ’କୁ ୨୮ବର୍ଷ ବିତିଥିବା ବେଳେ ଦର୍ଶକଙ୍କ ଭଲ ପାଇବାକୁ ଦୃଷ୍ଟିରେ ରଖି ସିନେ-ନିର୍ମାତା ଡିଡିଏଲଜେର ରିମେକ୍ ଆଣିବାକୁ ଯାଉଛନ୍ତି। ଏହି କ୍ରମରେ ଦର୍ଶକଙ୍କ ପାଇଁ ଆଉ ଏକ ସରପ୍ରାଇଜ ରହିଛି। ଏହି ସରପ୍ରାଇଜଟି ହେଉଛି, ଡିଡିଏଲଜେର ରିମେକରେ ରାଜ ଭୂମିକାରେ ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନ ଓ ଶିମ୍ରନ ଭୂମିକାରେ କାଜୋଲଙ୍କ ଝିଅ ନ୍ୟସା ଦେବଗନ ନଜର ଆସିବେ ସିନେ-ନିର୍ମାତା ମୁକେଶ ଛାବ୍ରା ସ୍ପଷ୍ଟ କରିଛନ୍ତି।
ତେବେ କୁହାଯାଉଛି କି ଡିଡିଏଲଜେର ରିମେକ୍ ସିନେମା ଜରିଆରେ ନ୍ୟସା ବଲିଉଡରେ ଡେବ୍ୟୁ କରିବେ। ନ୍ୟସା ଏହି ସିନେମାରେ କାମ କରିବା ପାଇଁ ମା’ କାଜୋଲଙ୍କ ଠାରୁ ଅଭିନୟ ଶିକ୍ଷା କରୁଥିବା କି ଖବର ମିଳିଛି।
ଦର୍ଶକଙ୍କ ଖୁସି ଦ୍ବିଗୁଣିତ ହୋଇଯାଇଛି ବୋଲି କୁହାଯାଉଛି। ପ୍ରଥମତଃ ସେମାନଙ୍କ ପ୍ରିୟ ସିନେମା ଡିଡିଏଲଜେର ରିମେକ୍ ଆସିବାକୁ ଯାଉଛି। ଦ୍ବିତୀୟତଃ ଏଥିରେ ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନ ଓ ଶିମ୍ରନ ଭୂମିକାରେ କାଜୋଲଙ୍କ ଝିଅ ନ୍ୟସା ଦେବଗନ ନଜର ଆସିବାର ଖବର ଶୁଣି ଦର୍ଶକ ଖୁବ ଉତ୍ସାହିତ ଅଛି। ଆର୍ଯ୍ୟନ ଓ ନ୍ୟସାଙ୍କ ଯୋଡ଼ି ପରଦାରେ କେମିତି ଲାଗୁଛି ତାହାର ଅପେକ୍ଷା ରହିଲା।
[ad_2]
