ଡିଜିଟାଲ୍ ଯୁଗରେ ଲୋକମାନେ ଥିଏଟର ଅପେକ୍ଷା OTT ପ୍ଲାଟଫର୍ମକୁ ଅଧିକ ପସନ୍ଦ କରୁଛନ୍ତି । OTT ପ୍ଲାଟଫର୍ମଗୁଡ଼ିକ ଯେତେ ସହଜ ମନୋରଞ୍ଜନର ବିକଳ୍ପ ଉପଲବ୍ଧ କରାଉଛନ୍ତି, ସେତିକି ବେଗରେ ଅଶ୍ଳୀଳତା ମଧ୍ୟ ବ୍ୟାପୁଛି । ଏଭଳି ପରିସ୍ଥିତିରେ ଭାରତ ସରକାର ଅଶ୍ଳୀଳ କଣ୍ଟେଣ୍ଟ୍ ପବ୍ଲିସ୍ କରୁଥିବା ଅନେକ OTT ପ୍ଲାଟଫର୍ମ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ଏବଂ ୧୮ଟି ଆପକୁ ସମ୍ପୂର୍ଣ୍ଣ ଭାବେ ନିଷିଦ୍ଧ କରିଛନ୍ତି ।
ସୂଚନା ଏବଂ ପ୍ରସାରଣ ରାଜ୍ୟ ମନ୍ତ୍ରୀ ଏଲ୍ ମୁରୁଗନ୍ କହିଛନ୍ତି ଯେ ଚଳିତ ବର୍ଷ ଭାରତ ସରକାର ଅଶ୍ଳୀଳ କଣ୍ଟେଣ୍ଟ ଦେଖାଉଥିବା ୧୮ OTT ପ୍ଲାଟଫର୍ମ ଉପରେ ପ୍ରତିବନ୍ଧକ ଲଗାଇଛନ୍ତି । ଡିସେମ୍ବର ୧୮ରେ ଲୋକସଭାରେ ଶିବସେନା-ୟୁବିଟି ସଦସ୍ୟ ଅନିଲ ଦେଶାଇଙ୍କ ଏକ ପ୍ରଶ୍ନର ଉତ୍ତରରେ ମୁରୁଗନ କହିଛନ୍ତି, ୨୦୨୧ର ଆଇଟି ନିୟମ ଅଧୀନରେ ୧୮ଟି OTT ପ୍ଲାଟଫର୍ମ ଉପରେ କାର୍ଯ୍ୟାନୁଷ୍ଠାନ ନିଆଯାଇଛି ।
ମନ୍ତ୍ରୀ କହିଛନ୍ତି ଯେ ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ବିଭିନ୍ନ କୋଅର୍ଡିନେଟରଙ୍କ ସହ ସମନ୍ୱୟ ରକ୍ଷା କରି କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଏହି ନିୟମ ଅଧୀନରେ ଅଶ୍ଳୀଳ ତଥା କେତେକ କ୍ଷେତ୍ରରେ ଅଶ୍ଳୀଳ ବିଷୟବସ୍ତୁ ପ୍ରକାଶନ ପାଇଁ ୨୦୨୪ ମାର୍ଚ୍ଚ ୧୪ରେ ୧୮ଟି OTT ପ୍ଲାଟଫର୍ମକୁ ବ୍ଲକ୍ କରି ଦିଆଯାଇଛି ।
