ବାଲେଶ୍ବର: ନିଆଁ ଲାଗି ଜଳିଗଲା ଧାନ ଗଦା । ବାଲେଶ୍ବର ଜିଲ୍ଲା ବାଲିଆପାଳ ଥାନା କଟିସାହି ଗାଁରେ ନିଆଁ ଲାଗି ଜଳିଯାଇଛି ଧାନା ଗଦା । ୧୦ କ୍ବିଣ୍ଟାଲରୁ ଅଧିକ ଧାନ ପୋଡି ପାଉଁଶ ହୋଇଯାଇଛି । କଟିସାହି ଗାଁର ସନ୍ତୋଷ ଭୂୟାଁଙ୍କ ପରିବାର ଲୋକେ ଗତକାଲି ରାତିରେ ଶୋଇଥିଲେ । ଘର ସାମ୍ନାରେ ଥିବା ଧାନଗଦା ଜଳୁଥିବା ଦେଖି ନିଆଁ ଲିଭାଇବାକୁ ଚେଷ୍ଟା କରିଥିଲେ । ଖବର ପାଇ ବାଲିଆପାଳ ଅଗ୍ନିଶମ ବିଭାଗର କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ । ହେଲେ ଧାନ ଗଦାଟି ସମ୍ପୂର୍ଣ୍ଣ ଭାବେ ଜଳିଯାଇଥିଲା । ନିଆଁ ଲାଗିବାର କୌଣସି ସ୍ପଷ୍ଟ କାରଣ ଜଣାପଡିନି । ଅଗ୍ନି ବିପନ୍ନ ପରିବାରକୁ ତୁରନ୍ତ ସରକାରୀ ସହାୟତା ଯୋଗାଇ ଦେବାକୁ ନିବେଦନ କରିଛନ୍ତି ।
