କେନ୍ଦୁଝର: ନିଲମ୍ବିତ ହେଲେ ୩ ପୋଲିସ ଅଧିକାରୀ । କେନ୍ଦୁଝର ସଦର ଥାନାର ୩ ପୋଲିସ କର୍ମଚାରୀଙ୍କୁ ସସପେଣ୍ଡ କରାଯାଇଛି । ଜଣେ ଏଏସଆଇ ସହିତ ୨ ଜଣ କନଷ୍ଟେବଳଙ୍କୁ ନିଲମ୍ବିତ କରାଯାଇଛି । କେନ୍ଦୁଝର ଏସପି ଏହି ୩ ଅଧିକାରୀଙ୍କୁ ସସପେଣ୍ଡ କରିଥିବା ଜଣାପଡିଛି । ଗ୍ୟାରେଜରେ ମିସ୍ତ୍ରୀକୁ ମାରପିଟ ଘଟଣାରେ କାର୍ଯ୍ୟାନୁଷ୍ଠାନ ନିଆଯାଇଛି । ନିଲମ୍ୱିତ କର୍ମଚାରୀ ହେଲେ କେନ୍ଦୁଝର ସଦର ଥାନାର ଏଏସଆଇ ଅକ୍ଷୟ କୁମାର ଚୌଧୁରୀ, କନଷ୍ଟେବଳ ବିରଞ୍ଚି ନାଏକ ଓ ଦେବେନ୍ଦ୍ର ଜେନା ।
ସୂଚନା ଅନୁସାରେ ଗ୍ୟାରେଜରେ କେନ୍ଦୁଝର ସଦର ପୋଲିସ ଏକ ଟ୍ରକ ଚୋରି ଘଟଣାର ତଦନ୍ତ କରିବାକୁ ମୟୁରଭଞ୍ଜ ଜିଲା ଯସିପୁର ଯାଇଥିଲେ । ସେଠାରେ ଥିବା ଏକ ଟ୍ରକ ବଡୀ ବିଲିଣ୍ଡିଂ ଗ୍ୟାରେଜକୁ ଯାଇ ମିସ୍ତ୍ରୀଙ୍କୁ ମାରପିଟ କରିଥିଲେ । ଫଳରେ ଏନେଇ ପାଲଟା ଅଭିଯୋଗ ହେବା ସହିତ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଥିଲା । ଏହି ଘଟଣାର ତଦନ୍ତ ଚାଲିଥିବା ବେଳେ ଅଭିଯୋଗକ୍ରମେ ୩ ପୋଲିସ କର୍ମଚାରୀଙ୍କୁ ନିଲମ୍ବିତ କରିଛନ୍ତି କେନ୍ଦୁଝର ଏସପି ।
