[ad_1]
ଭୁବନେଶ୍ୱର : ମାଲକାନଗିରି ପୁଲିସ ପକ୍ଷରୁ ଜୁଆ ଆଡା ଉପରେ ଚଢ଼ାଉ କରାଯାଇ ୫ ଜଣଙ୍କୁ ଗିରଫ କରାଯାଇଛି ।ସେମାନଙ୍କ ଠାରୁ ୨୦୮୨୦ ଟଙ୍କା ଜବତ କରିଥିବା ଆଇଆଇସି ରିଗନ କିଣ୍ଡୋ ସୂଚନା ଦେଇଛନ୍ତି। ମାଲକାନଗିରି ଥାନା ଏସଆଇ ଭଞ୍ଜନ କୁମାର ଜେନାଙ୍କ ନେତୃତ୍ୱରେ କନେଷ୍ଟବଲ ଏସ କେ କାଦିର,ଏସ କେ ନାୟକ,ଆର ପଟ୍ଟନାୟକ ପୁଲିସ ସଦଳ ବଳ ଆଜି ଏମଭି ୮୩ ଓ ଏମଭି ୮୪ ଅଞ୍ଚଳରେ ପେଟ୍ରୋଲିଂ କରୁଥିଲେ । ସେମାନେ ଜାଣିବାକୁ ପାଇଲେ ଏକ ଫାର୍ମ ହାଉସରେ ଜୁଆ ଖେଳ ଚାଲିଛି। ପୁଲିସ ଜୁଆ ଆଡା ଉପରେ ଚଢାଉ କରି ଟଙ୍କା ବାଜି ଲଗାଇ ଜୁଆ ଖେଳୁ ଥିବା ସମୟରେ ପାଞ୍ଚ ଜଣ ବ୍ୟକ୍ତିଙ୍କୁ ଗିରଫ କରିଥିଲେ । ସେମାନଙ୍କ ନିକଟରୁ ୨୦୮୨୦ ଟଙ୍କା, ଗୁଡ଼ାଏ ତାସ ମୁଠା ଜବତ କରିଛନ୍ତି। ଗିରଫ ବ୍ୟକ୍ତି ମାନେ ହେଲେ ଏମଭି ୮୪ ଗ୍ରାମର ଅମଲ ଦେ (୫୦), ବାଲାଇ ମଣ୍ଡଳ (୫୫),ଏମଭି୮୩ ଗ୍ରାମର ସାମଲ ରାଏ(୪୦)। ଅମୁଲ୍ୟ ସର୍ଦ୍ଦାର(୬୮) ଏବଂ ପଦ୍ମଗିରି ଗାଁର ସାମଲ ଅଧିକାରୀ(୪୧) ବୋଲି ଜଣା ପଡ଼ିଛି।
[ad_2]
