ଚୌଦ୍ୱାର,୧୪/୧୦: ଚୌଦ୍ଵାର ପୋଲିସର ବଡ଼ ସଫଳତା । ଚୌଦ୍ଵାରର ବିଭିନ୍ନ ବଜାରରେ ସିରିଜ୍ ଚୋରି ଘଟଣାରେ ଆତଙ୍କ ମଚାଇଥିବା ଗ୍ୟାଙ୍ଗରୁ ତିନ ଚୋରଙ୍କୁ ଧରିଲା ପୋଲିସ । ଗିରଫ ହୋଇଥିବା ଚୋରମାନେ ଚୌଦ୍ଵାର ଓଟିଏମ୍ ମୁଣ୍ଡା ସାହି ବସ୍ତିର ସୌମ୍ୟ ରଞ୍ଜନ ବଦ୍ରା, ଓମ୍ ମହନ୍ତ ଓ ଓମ୍ ବେହେରା ବୋଲି ଜଣାପଡ଼ିଛି । ଘଟଣାସ୍ଥଳରୁ ଅନ୍ୟ ଚୋରମାନେ ଫେରାର ହୋଇଛନ୍ତି ।
କଟକ ଜିଲ୍ଲା ଚୌଦ୍ୱାର ବ୍ଲକ୍ରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଚୌଦ୍ଵାରର ବିଭିନ୍ନ ବଜାରରେ ଏକ ଦଳ ମିଶି ଅନେକ ଗୁଡ଼ିଏ ଚୋରି କରି ଆତଙ୍କ ମଚାଇଥିଲେ । ଏନେଇ ଅଭିଯୋଗ ମଧ୍ୟ ହୋଇଥିଲା । ଏହି ଘଟଣାରେ ପଦକ୍ଷେପ ନେଇ ଆଇଆଇସି ବିଶ୍ବରଂଜନ ସାହୁଙ୍କ ନେତୃତ୍ତ୍ୱରେ ଏକ ଟିମ୍ ଦୁଇ ରାତି ଧରି ରାତ୍ରିରେ ସମସ୍ତ ବଜାର ଉପରେ ନଜର ରଖିଥିଲା । ତେବେ ରବିବାର ତିନି ଚୋରଙ୍କୁ ପୋଲିସ ଗିରଫ କରିଥିବା ବେଳେ ଅନ୍ୟ ଚୋରମାନେ ଫେରାର ହୋଇଛନ୍ତି । ଫେରାର ଥିବା ଚୋରଙ୍କୁ ଖୁବ୍ ଶୀଘ୍ର ଗିରଫ କରାଯିବ ବୋଲି କହିଛନ୍ତି ଚୌଦ୍ଵାର ଥାନା ଅଧିକାରୀ ବିଶ୍ଵ ରଞ୍ଜନ ସାହୁ । ଗିରଫ ହୋଇଥିବା ଚରଙ୍କ ନାଁରେ ପୂର୍ବରୁ ଅନ୍ୟ ଥାନାରେ ମାମଲା ରହିଛି ।
