[ad_1]
ଲକ୍ଷ୍ନୌ: ସିବିଆଇ କୋର୍ଟ ବିଏସପି ବିଧାୟକ ରାଜୁ ପାଲଙ୍କ ହତ୍ୟା ମାମଲାରେ ସମସ୍ତ ୭ଜଣ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରିଛନ୍ତି। କୋର୍ଟ ୬ଜଣ ଅଭିଯୁକ୍ତଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଥିବା ବେଳେ ଜଣକୁ ଚାରି ବର୍ଷ କାରାଦଣ୍ଡରେ ଦଣ୍ଡିତ କରିଛନ୍ତି। ପୁଲିସ ହେପାଜତରେ ମୃତ୍ୟୁବରଣ କରିଥିବା ଅତିକ୍ ଅହମ୍ମଦ ଏବଂ ଅସରଫର ନାମ ମଧ୍ୟ ରାଜୁ ପାଲ ହତ୍ୟା ମାମଲାରେ ଜଡ଼ିତ ଥିଲା। ବର୍ତ୍ତମାନ ଅବଶିଷ୍ଟ ୭ଅଭିଯୁକ୍ତ ଆବିଦ୍, ଫରହାନ୍, ଜାଭେଦ୍, ଅବଦୁଲ କବି, ଗୁଲ ହସନ, ଇସରାର ଏବଂ ରଞ୍ଜିତ ପାଲଙ୍କୁ ଦୋଷୀ ସାବ୍ୟସ୍ତ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ, ୧୯ବର୍ଷ ପୂର୍ବେ, ଜାନୁଆରି ୨୫, ୨୦୦୫ରେ ତତ୍କାଳୀନ ବିଏସପି ବିଧାୟକ ରାଜୁ ପାଲଙ୍କୁ ପ୍ରୟାଗରାଜର ଧୁମନଗଞ୍ଜରେ ଗୁଳି କରି ହତ୍ୟା କରାଯାଇଥିଲା। ୨୦୦୪ମସିହାରେ ରାଜୁ ପାଲ ବିଏସପି ଟିକେଟରୁ ବିଧାୟକ ଭାବରେ ନିର୍ବାଚିତ ହୋଇଥିଲେ। ସେହି ନିର୍ବାଚନରେ ସମାଜବାଦୀ ପାର୍ଟିର ପ୍ରାର୍ଥୀ ତଥା ଅତିକ୍ ଅହମ୍ମଦର ଭାଇ ଅସରଫ ହାରିଯାଇଥିଲା। ଫଳାଫଳର ୩ମାସ ମଧ୍ୟରେ, ଜାନୁଆରି ୨୫, ୨୦୦୫ରେ ଅତିକ୍ ଗ୍ୟାଙ୍ଗ ରାଜୁ ପାଲଙ୍କ ଉପରେ ଆକ୍ରମଣ କରିଥିଲା | ଆକ୍ରମଣ ପରେ ତାଙ୍କ ଦେହରେ ୧୯ଟି ଗୁଳି ବାଜିଥିବା ସାମ୍ନାକୁ ଆସିଥିଲା। ଏହି ଘଟଣାର ସାକ୍ଷୀ ଥିବା ଉମେଶ ପାଲଙ୍କୁ ମଧ୍ୟ ୨୦୨୩ରେ ଅତିକର ଗ୍ୟାଙ୍ଗ ହତ୍ୟା କରିଥିଲେ।
[ad_2]
