[ad_1]
ମୁମ୍ବାଇ: ସୋସିଆଲ ମିଡିଆ ଷ୍ଟାର ଉର୍ଫି ଜାଭେଦ୍ ଅନେକ ସମୟରେ ତାଙ୍କର ଭିନ୍ନ ପୋଷାକ ପରିଧାନ ହେତୁ ହେଡଲାଇନରେ ରହିଥା’ନ୍ତି। ତାଙ୍କ ଚେହେରା ପାଇଁ ତାଙ୍କୁ ଅନେକ ସମୟରେ ଟ୍ରୋଲ ମଧ୍ୟ କରାଯାଇଥାଏ। ଅଜବ ପୋଷାକ ଯୋଗୁଁ ଅନେକ ଥର ଟ୍ରୋଲ ହୋଇଥିବା ଉର୍ଫି ଜାଭେଦ ଏବେ ବଲିଉଡରେ ନିଜର ଭାଗ୍ୟ ପରୀକ୍ଷା କରିବାକୁ ଯାଉଛନ୍ତି। ଖବର ମିଳିଛି ଯେ ଉର୍ଫି ଖୁବ୍ ଶୀଘ୍ର ବଲିଉଡରେ ଡେବ୍ୟୁ କରିବେ।
Sambad is now on WhatsApp
Join and get latest news updates delivered to you via WhatsApp
ହିନ୍ଦୁସ୍ତାନ ଟାଇମ୍ସର ରିପୋର୍ଟ ଅନୁଯାୟୀ ସୋସିଆଲ ମିଡିଆ ସେନସେସନ ଉର୍ଫି ଜାଭେଦ ଦିବାକର ବାନାର୍ଜୀଙ୍କ ଆଗାମୀ ଚଳଚ୍ଚିତ୍ର ‘ଏଲଏସଡି-୨’ ସହିତ ଅଭିନୟ ଜଗତରେ ପ୍ରବେଶ କରିବାକୁ ଯାଉଛନ୍ତି। ଏହି ଚଳଚ୍ଚିତ୍ରକୁ ଦର୍ଶକ ବହୁ ସମୟ ଧରି ଅପେକ୍ଷା କରିଥିଲେ। ବର୍ତ୍ତମାନ ଫିଲ୍ମଟି ଏପ୍ରିଲ ୧୯ରେ ପ୍ରେକ୍ଷାଳୟରେ ମୁକ୍ତିଲାଭ କରିବ ବୋଲି ଜଣାପଡ଼ିଛି।
ଉଲ୍ଲେଖଯୋଗ୍ୟ, ‘ଏଲଏସଡି-୨’ରେ ତୁଷାର କପୁର ଏବଂ ମୌନି ରୟ କାମିଓ କରିବେ ବୋଲି ଖବର ମିଳିଥିଲା। ବାଲାଜୀ ମୋସନ ପିକ୍ଚର୍ସ ଏବଂ କଲ୍ଟ ମୁଭିଜ୍ ବ୍ୟାନରରେ ନିର୍ମିତ ଏହି ଚଳଚ୍ଚିତ୍ରରେ ପ୍ରଥମେ ଟେଲି ଅଭିନେତ୍ରୀ ନିମ୍ରିତ କୌର ଅହଲୁୱାଲିଆ ମୁଖ୍ୟ ଅଭିନେତ୍ରୀ ଭୂମିକାରେ ନଜର ଆସିବେ ବୋଲି ଜଣାପଡ଼ିଥିଲା। ଅଭିନେତ୍ରୀ ଫିଲ୍ମର ସୁଟିଂ ମଧ୍ୟ ଆରମ୍ଭ କରିଥିଲେ। କିନ୍ତୁ ପରେ ଖବର ଆସିଲା ଯେ ଅତ୍ୟଧିକ ଅନ୍ତରଙ୍ଗ ଦୃଶ୍ୟ ଯୋଗୁଁ ଅଭିନେତ୍ରୀ ଫିଲ୍ମ ଛାଡିଛନ୍ତି।
[ad_2]
