[ad_1]
କୋଲକାତା: କିଛି ଦିନ ତଳେ ପଶ୍ଚିବମବଙ୍ଗର ଜଣେ ବ୍ୟକ୍ତିଙ୍କୁ ଗୋଟିଏ ହାତରେ ଦାଆ ଓ ଅନ୍ୟ ହାତରେ ପତ୍ନୀଙ୍କ କଟାମୁଣ୍ଡ ଧରି ବୁଲୁଥିବାର ଦେଖିବାକୁ ମିଳିଥିଲା। ସେ ତାଙ୍କ ପତ୍ନୀଙ୍କ କଟିଯାଇଥିବା ମୁଣ୍ଡକୁ ଧରି ଚାରିପାଖରେ ଏକତ୍ରିତ ହୋଇଥିବା ଲୋକଙ୍କ ଉପରେ ପାଟି ଚିଲାଉଥିଲେ। ପୁଲିସ୍ ଏବେ ସେହି ବ୍ୟକ୍ତି ଜଣଙ୍କୁ ଗିରଫ କରିଛି।
Sambad is now on WhatsApp
Join and get latest news updates delivered to you via WhatsApp
ପତ୍ନୀଙ୍କ ହତ୍ୟାର ଏହି ନିଷ୍ଠୁର ଦୃଶ୍ୟ ଫେବ୍ରୁଆରି ୧୪ ତାରିଖ ଦିନ ପଶ୍ଚିମବଙ୍ଗର ପୁରବା ମେଦିନୀପୁର ଜିଲ୍ଲାରେ ଦେଖିବାକୁ ମିଳିଥିଲା। ସରସ୍ବତୀ ପୂଜା ଓ ଭାଲେଣ୍ଟାଇନ୍ସ ଡେ ଥିବାରୁ ସେଦିନ ଅଧିକାଂଶ ଲୋକ ନିଜ ନିଜ କାମରେ ବ୍ୟସ୍ତ ଥିଲେ। ସେହି ସମୟରେ ୪୦ ବର୍ଷୀୟ ବ୍ୟକ୍ତି ଜଣଙ୍କୁ ପତ୍ନୀଙ୍କ କଟା ମୁଣ୍ଡ ଧରି ବୁଲୁଥିବାର ଦେଖିବାକୁ ମିଳିଥିଲା।
ଏହି ଘଟଣାର ତଦନ୍ତ କରି ପାରିବାରିକ ସମସ୍ୟା ହେତୁ ସେ ତାଙ୍କ ପତ୍ନୀଙ୍କ ମୁଣ୍ଡ କାଟି ଦେଇଥିବା ପୁଲିସ କହିଛି। ଏହାପରେ ସେ ନିକଟସ୍ଥ ବସ୍ଷ୍ଟାଣ୍ଡ୍କୁ ଯାଇ କଟିଯାଇଥିବା ମୁଣ୍ଡ ଧରି ବୁଲିବାକୁ ଲାଗିଥିଲେ। ଏହି ଭୟାନକ ଦୃଶ୍ୟ ସ୍ଥାନୀୟ ଲୋକଙ୍କ ମୋବାଇଲ୍ କ୍ୟାମେରାରେ କଏଦ ହୋଇଥିଲା। ଏହି ଘଟଣାର ଭିଡିଓ ସୋସିଆଲ ମିଡିଆରେ ମଧ୍ୟ ଭାଇରାଲ ହୋଇଥିଲା। ଯାହାପରେ ଏବେ ପୁଲିସ୍ କାର୍ଯ୍ୟାନୁଷ୍ଠାନ ଗ୍ରହଣ କରିଛି।
ଅଭିଯୁକ୍ତ ଗୌତମ ପତ୍ନୀଙ୍କ କଟାମୁଣ୍ଡ ଦେଖି ବୁଲିବାର କିଛ ସମୟ ପରେ ଆସି ପୁଲିସ୍ ସେଠାରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲା। ପ୍ରତ୍ୟକ୍ଷଦର୍ଶୀମାନେ କହିଛନ୍ତି ଯେ ଅଭିଯୁକ୍ତଙ୍କ ବାପାମାଆଙ୍କୁ ମଧ୍ୟ ପୁଲିସ ଷ୍ଟେସନକୁ ନିଆଯାଇଥିଲା।
[ad_2]
