[ad_1]
ନୂଆଦିଲ୍ଲୀ: ବିଜେପି ସାଂସଦ ବ୍ରଜଭୂଷଣ ସିଂହଙ୍କ ଘନିଷ୍ଠ ସହଯୋଗୀ ସଞ୍ଜୟ ସିଂ ଭାରତୀୟ କୁସ୍ତି ମହାସଂଘ (ଡବ୍ଲ୍ୟୁଏଫ୍ଆଇ)ର ସଭାପତି ଭାବେ ନିର୍ବାଚିତ ହୋଇଛନ୍ତି। ସଞ୍ଜୟ ସିଂହଙ୍କ ମୁକାବିଲା ରାଜ୍ୟଗୋଷ୍ଠୀ କ୍ରୀଡ଼ା ସ୍ୱର୍ଣ୍ଣ ପଦକ ବିଜେତା ଅନିତା ଶିଓରାନଙ୍କ ସହ ହୋଇଥିଲା। ସେମାନଙ୍କୁ ବିକ୍ଷୋଭକାରୀ କୁସ୍ତିଯୋଦ୍ଧାଙ୍କ ସମର୍ଥନ ମିଳିଥିଲା।
Sambad is now on WhatsApp
Join and get latest news updates delivered to you via WhatsApp
ସଞ୍ଜୟ ସିଂ ୨୦୦୮ରେ ବାରଣାସୀ କୁସ୍ତି ସଂଘର ଜିଲ୍ଲା ସଭାପତି ହୋଇଥିଲେ। ୨୦୦୯ମସିହାରେ ଯେତେବେଳେ ଉତ୍ତର ପ୍ରଦେଶ କୁସ୍ତି ସଂଘ ଗଠନ ହୋଇଥିଲା ସେତେବେଳେ ବ୍ରଜ ଭୂଷଣ ଶରଣ ସିଂହ ରାଜ୍ୟ ସଭାପତି ଓ ସଞ୍ଜୟ ସିଂ ଉପସଭାପତି ଥିଲେ।
ନିର୍ବାଚନ ଜିତିବା ପରେ ସଞ୍ଜୟ ସିଂ କହିଛନ୍ତି ଯେ ଏବେ ଜାତୀୟ ଶିବିର (କୁସ୍ତି ପାଇଁ) ଆୟୋଜନ କରାଯିବ। ଯେଉଁ କୁସ୍ତିଯୋଦ୍ଧା ମାନେ ରାଜନୀତି କରିବାକୁ ଚାହୁଁଛନ୍ତି ସେମାନେ ରାଜନୀତି କରିପାରିବେ, ଯେଉଁମାନେ କୁସ୍ତି କରିବାକୁ ଚାହୁଁଛନ୍ତି ସେମାନେ ଲଢ଼େଇ କରିବେ।
ଫଳାଫଳ ପରେ ବ୍ରଜଭୂଷଣ ସିଂହଙ୍କ ଜ୍ୱାଇଁ ବିଶାଲ ସିଂ କହିଛନ୍ତି ଯେ ଆମର ପୂରା ପ୍ୟାନେଲ ଜିତିଛି। ଆମର ସମସ୍ତ ପ୍ୟାନେଲ ବିଜୟୀ ହୋଇଛନ୍ତି। ସମସ୍ତେ ଭଲ ସଂଖ୍ୟାଗରିଷ୍ଠତା ସହ ବିଜୟୀ ହୋଇଛନ୍ତି। ଏବେ ଭୋଟ ଗଣତି ଚାଲିଛି ତେବେ ଖୁବଶୀଘ୍ର ଅଫିସିଆଲ ନମ୍ବର ଆସିବ । ଗତ କିଛି ଦିନ ହେବ କୁସ୍ତି କ୍ଷତିଗ୍ରସ୍ତ ହୋଇଛି। ଆମ ଖେଳାଳିମାନେ ଭଲ ପ୍ରଦର୍ଶନ କରିପାରିଥାନ୍ତେ, କିନ୍ତୁ ଗତ କିଛି ଦିନ ମଧ୍ୟରେ ଯାହା ଘଟିଲା ତାହା କ୍ଷତିଗ୍ରସ୍ତ ହୋଇଛି।
[ad_2]
