[ad_1]
ନୂଆଦିଲ୍ଲୀ: ଛୋଟ ପରଦାର ଲୋକପ୍ରିୟ କମେଡି ସୋ’ ‘ତାରକ ମେହେତା କା ଉଲଟା ଚଷମା’ ଆଜିକାଲି ବେଶ୍ ଚର୍ଚ୍ଚାରେ ରହିଛି। ଦୀର୍ଘ ୧୫ ବର୍ଷ ହେଲା ଦର୍ଶକଙ୍କ ମନୋରଞ୍ଜନ କରି ଆସୁଥିବା ଏହି ସୋ’ରେ ଏବେ ନୂଆ ତାରକାଙ୍କ ପ୍ରବେଶ ହୋଇଛି। ସୋ’ର ସବୁଠାରୁ ମଜାଦାର ଚରିତ୍ର ଦୟାବେନ୍ଙ୍କୁ ‘ତାରକ ମେହେତା କା ଉଲଟା ଚଷମା’ରେ ଦର୍ଶକ ଦୀର୍ଘ ଦିନ ହେବ ଦେଖିବାକୁ ମିଳୁନଥିବାରୁ କ୍ଷୋଭ ପ୍ରକାଶ କରୁଛନ୍ତି ଦର୍ଶକ। ଏହାକୁ ଦେଖୁଥିବା ଦର୍ଶକମାନେ ସୋ’ରେ ଦୟାବେନଙ୍କୁ କାହିଁକି ପୁଣି ଥରେ ପ୍ରବେଶ କରାଯାଉ ନାହିଁ ବୋଲି ନିର୍ମାତାଙ୍କୁ ପ୍ରଶ୍ନ ପଚାରିବା ପରେ ନିର୍ମାତା ଅସିତ ମୋଦୀ ତାଙ୍କୁ ପୁଣି ଥରେ ଆଣିବାକୁ ପ୍ରତିଶ୍ରୁତି ଦେଇଥିଲେ।
ହେଲେ ଏବେ ଦୟାବେନ୍ଙ୍କ ଚରିତ୍ର ନିଭାଉଥିବା ଦିଶା ବକାନିଙ୍କୁ ଅବଶ୍ୟ ଧାରାବାହିକରେ ଦେଖିବାକୁ ମିଳିନାହିଁ। ହେଲେ ଏବେ ଏହି ସୋ’ରେ ମିସେସ୍ ରୋଶନ ସିଂହ ସୋଡ଼ି ଭୂମିକାରେ ଜଣେ ନୂଆ ନାୟିକାଙ୍କୁ ଦେଖିବାକୁ ମିଳିବ। ତାଙ୍କ ଭୂମିକାରେ ନଜର ଆସିବେ ମନୋଜ ମେୱାଲା ।
‘ତାରକ ମେହେତା କା ଉଲଟା ଚଷମା’ର ନିର୍ମାତା ଅସିତ ମୋଦୀ ମୋନାଜଙ୍କୁ ସ୍ୱାଗତ କରି କହିଛନ୍ତି, “ମୋନାଜ ମେୱାଲା ପାଇ ଆମେ ବହୁତ ଖୁସି। ଅଭିନୟକୁ ନେଇ ତାଙ୍କର ପ୍ରତିଭା ଏବଂ ଉତ୍ସାହ ନିସନ୍ଦେହରେ ଚରିତ୍ର ଏବଂ ସୋ’ରେ ଏକ ନୂଆ ଦିଗ ଯୋଗ କରିବ। ଆମେ ତାଙ୍କୁ ହୃଦୟରୁ ‘ତାରକ ମେହେତା କା ଉଲଟା ଚଷମା’ ପରିବାରକୁ ସ୍ୱାଗତ କରୁଛୁ। ଆଶା କରାଯାଏ ଯେ ତାଙ୍କ ଚରିତ୍ର ଏହି ଧାରାବାହିକକୁ ଏକ ନୂଆ ଦିଗକୁ ନେଇଯିବ। ତାଙ୍କ ଅଭିନୟ ଦର୍ଶକଙ୍କୁ ଆକର୍ଷିତ କରିବ।’’
ଉଲ୍ଲେଖଯୋଗ୍ୟ, ଦୟାବେନ୍ଙ୍କ ଚରିତ୍ର ନିଭାଉଥିବା ଦିଶା ଗର୍ଭବତୀ ଥିବା କାରଣରୁ ସୋ ଛାଡିଥିବା କେହି କେହି ଚର୍ଚ୍ଚା କରୁଥିବାରୁ ଅଧିକ ପାରିଶ୍ରମିକ ଦାବି କରି ସେ ସୋ’କୁ ଫେରୁନାହାନ୍ତି ବୋଲି ବି ଆଲୋଚନା ହେଉଛି।
[ad_2]
