[ad_1]
ଶୀତଦିନେ ଖାଦ୍ୟ ପାଇଁ ହେଉ ଅଥବା ଅନ୍ୟ କୌଣସି କାରଣ ପାଇଁ ପେଟ ଜନିତ କିଛି ସମସ୍ୟା ଦେଖାଯାଇଥାଏ। ଏଭଳି ସମସ୍ୟାରୁ ମୁକ୍ତି ପାଇବା ପାଇଁ କିଛି ସରଳ ଉପାୟ କରନ୍ତୁ ।
ଜାଣନ୍ତୁ ଏହା ବିଷୟରେ …
ପର୍ଯ୍ୟାପ୍ତ ମାତ୍ରାରେ ପାଣି ପିଅନ୍ତୁ । ପାଣି ପିଇବା ଦ୍ୱାରା ଖାଦ୍ୟ ଭଲ ଭାବେ ହଜମ ହେବା ସହ ପାଚନ ତନ୍ତ୍ର ସୁସ୍ଥ ରହିଥାଏ। ଶରୀରରେ ଜଳୀୟ ଅଂଶର ଅଭାବ ହୋଇନଥାଏ। ସକାଳେ ଉଠିବା ମାତ୍ରେ ପ୍ରଥମେ ଏକ ଗ୍ଲାସ ପାଣି ପିଅନ୍ତୁ। ଏହାଦ୍ୱାରା ବାରମ୍ବାର ହେଉଥିବା ପେଟ ଯନ୍ତ୍ରଣା ଦୂର ହୋଇଥାଏ।
ପାଣିରେ ପାନମଧୁରୀ ଭିଜାଇ ପିଇ ପାରିବେ। ଏହାସହ ଜୁଆଣୀ, ମହୁ, ଲେମ୍ବୁ ରସ ମିଶାଇ ମଧ୍ୟ ପିଇପାରିବେ। ଏହାଦ୍ୱାରା ଖାଦ୍ୟ ଭଲ ଭାବେ ହଜମ, ମୋଟାପଣ ହ୍ରାସ ସହ ଗ୍ୟାଷ୍ଟ୍ରିକ ଓ ଏସିଡିଟି ସମସ୍ୟା ମଧ୍ୟ ଦୂର ହୋଇଥାଏ।
ସେହିଭଳି ଗ୍ୟାଷ୍ଟ୍ରିକ ଜନିତ ସମସ୍ୟା ଦୂର ପାଇଁ ସେଓ ସିରକା ମଧ୍ୟ ପିଇ ପାରିବେ। ପେଟ ଯନ୍ତ୍ରଣା, ବାନ୍ତି, ବଦହଜମି ଭଳି ସମସ୍ୟା ଦୂର ପାଇଁ ପୁଦିନା ପତ୍ର ପାଣିରେ ଭିଜାଇ ଏହାକୁ ପିଅନ୍ତୁ। ଏହା ଖୁବ ଉତ୍ତମ ଫଳ ପ୍ରଦାନ କରିଥାଏ।
ଶୀତଦିନେ ପେଟ ଜନିତ ସମସ୍ୟା ଦୂର ପାଇଁ ଖାଦ୍ୟ ଖାଇବା ପରେ ଅଳ୍ପ ସମୟ ଚାଲନ୍ତୁ। ଶୀତଦିନେ ବାରମ୍ବାର ହଜମ ଜନିତ ସମସ୍ୟା ହେଉଥିଲେ ଡାକ୍ତରଙ୍କ ପରାମର୍ଶ ନିଅନ୍ତୁ। ଶୀତଦିନେ କିଛି ସ୍ୱତନ୍ତ୍ର ଖାଦ୍ୟ ଖାଇବାକୁ ପରାମର୍ଶ ଦିଆଯାଇଥାଏ। ତେବେ ଏଭଳି ଏକ ଜିନିଷ ରହିଛି ଯାହା ଶୀତଦିନେ ସ୍ୱାସ୍ଥ୍ୟ ପାଇଁ ବରଦାନ ଠାରୁ କମ୍ ନୁହେଁ, ତାହା ହେଉଛି ଖଜୁରୀ। ଏହା ଉଚ୍ଚ ରକ୍ତଚାପକୁ ନିୟନ୍ତ୍ରଣ କରିଥାଏ। ହିମୋଗ୍ଲୋବିନ୍କୁ ଶରୀରରେ ବୃଦ୍ଧି କରିଥାଏ। କେଶକୁ ସୁସ୍ଥ ରହିଥାଏ। ତ୍ୱଚାକୁ ବେଶ ଉଜ୍ଜ୍ୱଳ କରିଥାଏ। ଏହା ଗ୍ୟାଷ୍ଟ୍ରିକ୍, ଏସିଡିଟି, କୋଷ୍ଠକାଠିନ୍ୟ, ବଦହଜମି ଭଳି ସମସ୍ୟାକୁ ଦୂର କରିଥାଏ। ଶରୀରକୁ ଥଣ୍ଡା ଓ ଅନ୍ୟ ସଂକ୍ରମଣରୁ ଏହା ରକ୍ଷା କରିଥାଏ। ଖଜୁରୀରେ ଆଇରନ, ଫାଇବର, କ୍ୟାଲସିୟମ, ମାଗ୍ନେସିୟମ, ପୋଟାସିୟମ, ଭିଟାମିନ୍ ବି ୬ ଭଳି ଅନ୍ୟାନ୍ୟ ପୋଷକ ତତ୍ତ୍ୱ ରହିଛି।
[ad_2]
