[ad_1]
ଅକ୍ଷୟ କୁମାର ଓ ଶାହରୁଖ ଖାନ – ଦୁଇଜଣଙ୍କର ବଲିଉଡରେ ଅଲଗା ଅଲଗା ପ୍ରଭାବ ଅଛି। ଜଣେ ବି ଟାଉନ୍ର କିଙ୍ଗ ହୋଇଥିବା ବେଳେ ଆଉ ଜଣେ ବକ୍ସ ଅଫିସର ଓସ୍ତାଦ ଖେଳାଳି। ଦୁହିଙ୍କ ପ୍ରଶଂସକମାନେ ଏହି ଚମତ୍କାର ଯୋଡ଼ିକୁ ଏକା ଫିଲ୍ମରେ ଏକା ସାଥୀରେ ଦେଖିବାକୁ ଅପେକ୍ଷା ରଖନ୍ତି। କିନ୍ତୁ ଏପରି ସୁଯୋଗ କେବେ ମିଳେ ନାହିଁ। ଯଦି କେବେ ମିଳେ ତାହା କେଇ ସେକେଣ୍ଡ ବା ମିନିଟ ପାଇଁ। ଶାହରୁଖ ଖାନ ନିଜର କେତେଜଣ ସମସାମୟିକ ଅଭିନେତାଙ୍କ ସହ ସ୍କ୍ରିନ୍ସେୟାର କରିଛନ୍ତି, ଯେପରି ସଲମାନ ଖାନ ଓ ସୈଫ ଅଲି ଖାନ ଇତ୍ୟାଦି। ଅକ୍ଷୟ କୁମାର ବି ଏପରି ଅଭିନେତାଙ୍କ ସହ ସ୍କ୍ରିନ୍ସେୟାର କରିଛନ୍ତି। କିନ୍ତୁ ଦୁହେଁ କେବେ ଏକାଠି କାହିଁକି ଆସିନାହାନ୍ତି, ତା’ର କାରଣ ଥରେ ଶାହରୁଖ ଖାନ କହିଥିଲେ।
ଅକ୍ଷୟ କୁମାରଙ୍କ ସହ ଶାହରୁଖ କାହିଁକି କାମ କରିପାରନ୍ତିନି, ସେ ନେଇ ଶାହରୁଖ ଥରେ ଏକ ପ୍ରଶ୍ନର ଉତ୍ତର ଦେଇଥିଲେ। ଉତ୍ତର ଯେତିକି ମଜାଦାର ଥିଲା, ସେତିକି ଯୁକ୍ତିଯୁକ୍ତ ବି ଥିଲା। ସେ କହିଥିଲେ, ଯଦି କୌଣସି ଫିଲ୍ମନିର୍ମାତା ଦୁହିଁଙ୍କୁ ଗୋଟିଏ ଫିଲ୍ମରେ କାମ କରିବା ପାଇଁ ନିଅନ୍ତି, ତେବେ ବି ଦୁହିଙ୍କୁ କେବେ ଏକାଠି ଦେଖିବାକୁ ମିଳିପାରିବ ନାହିଁ। କାରଣ ଅକ୍ଷୟ କୁମାର ଯେତେବେଳେ ସୁଟିଂ ସେଟ୍ରୁ ବିଦାୟ ନେଇ ଯିବେ, ସେ ସେତିକିବେଳେ ଫିଲ୍ମ ସେଟ୍ରେ ପହଞ୍ଚିବେ। ଅକ୍ଷୟ କୁମାରଙ୍କ ବିଷୟରେ ଶାହରୁଖ କହିଲେ କି ତାଙ୍କର ଅତି ଭୋରରୁ ଶେଯରୁ ଉଠିବା ଅଭ୍ୟାସ। ତେଣୁ ସକାଳୁ ସକାଳୁ ସେ ନିତ୍ୟକର୍ମ ସାରି ଫିଲ୍ମସେଟ୍ରେ ପହଞ୍ଚି ଯାଆନ୍ତି। କିନ୍ତୁ ତାଙ୍କ ନିଜର (ଶାହରୁଖଙ୍କର) ଖୁବ୍ ବିଳମ୍ବରେ ଉଠିବା ଅଭ୍ୟାସ। ତେଣୁ ସେ ଡେରିରେ ସୁଟିଂ ସେଟ୍କୁ ଆସନ୍ତି। ଏହି କାରଣରୁ ଦୁହିଁଙ୍କ ଭିତରେ କେବେ ଦେଖା ହୋଇପାରେନା।
କେବଳ ଦୁଇଟି ଫିଲ୍ମରେ ଶାହରୁଖ-ଅକ୍ଷୟଙ୍କୁ ଏକାଠି ଦେଖିବାକୁ ମିଳିଥିଲା। ଗୋଟିଏ ହେଉଛି ‘ଦିଲ ତୋ ପାଗଲ ହୈ’, ଯେଉଁଥିରେ ଦୁହିଁଙ୍କୁ କେଇ ସେକେଣ୍ଡ ପାଇଁ ଏକାଠି ଦେଖିବାକୁ ମିଳିଥିଲା। ସେହିପରି ଅକ୍ଷୟ କୁମାରଙ୍କ ଏକ ଫିଲ୍ମର ଏକ ଗୀତ ଥିଲା ‘ହେ ବିବି’। ଏଥିରେ ଅକ୍ଷୟ, ରିତେଶ ଦେଶମୁଖ ଓ ବିଦ୍ୟା ବାଲାନଙ୍କ ସହ ଶାହରୁଖଙ୍କୁ ବି କିଛି ମିନିଟ୍ ପାଇଁ ଦେଖିବାକୁ ମିଳିଥିଲା।
[ad_2]
