[ad_1]
ମୁମ୍ବାଇ: ଆଜିକାଲି ଅନେକ ବଡ଼ ବଡ଼ ଚଳଚ୍ଚିତ୍ରକୁ ନେଇ ଜବରଦସ୍ତ ଆଲୋଚନା ହେଉଛି। ଅନେକ ଚଳଚ୍ଚିତ୍ରର ସୁଟିଂ ଚାଲିଛି ଏବଂ ଅନେକ ରିଲିଜ୍ ପାଇଁ ପ୍ରସ୍ତୁତ ହୋଇସାରିଛି। ଏ ମଧ୍ୟରେ ନିକଟରେ ବଲିଉଡ ଅଭିନେତା ରଣବୀର କପୁରଙ୍କ ଫିଲ୍ମ ‘ଆନିମଲ’ର ଟିଜର ସାମ୍ନାକୁ ଆସିଛି। ଏହି ଟିଜରରେ ରଣବୀର କପୁରଙ୍କ ଭିନ୍ନ ଲୁକ୍ ନଜର ଆସିଛି। ଟିଜରରେ ରଣବୀର ସିଗାରେଟ ଟାଣୁଥିବା ସହ ତାଙ୍କର ଏକ ଭିନ୍ନ ଲୁକ୍ ଦେଖିବାକୁ ମିଳିଛି।
ଟିଜର ପୂର୍ବରୁ ଫିଲ୍ମକୁ ନେଇ ଦର୍ଶକଙ୍କ ମନରେ ଯେତିକି ଉତ୍କଣ୍ଠା ଥିଲା ଟିଜର ରିଲିଜ୍ ପରେ ଏହା ଆହୁରି ବଢ଼ିଛି। ତେବେ ଫିଲ୍ମଟି ବ୍ଲକବଷ୍ଟର ହେବ ବୋଲି ଲୋକେ କହିବା ଆରମ୍ଭ କରିଥିବା ବେଳେ ଏହି ଫିଲ୍ମ ପାଇଁ ରଣବୀର ୫୦ପ୍ରତିଶତ ପାରିଶ୍ରମିକ କମ୍ କରିଥିବା ଜଣାପଡ଼ିଛି। ପ୍ରତି ଫିଲ୍ମ ପାଇଁ ରଣବୀର ପ୍ରାୟ ୭୦କୋଟି ନେଉଥିବା ବେଳେ ଏହି ଫିଲ୍ମ ପାଇଁ ସେ ମାତ୍ର ୩୦-୩୫କୋଟି ଟଙ୍କା ନେଇଛନ୍ତି। ଏହାର କାରଣ ମଧ୍ୟ ଏବେ ସାମ୍ନାକୁ ଆସିଛି।
କୁହାଯାଉଛି ଯେ, ଫିଲ୍ମର ପୋଷ୍ଟ ପ୍ରଡକ୍ସନ କାମ ଶେଷ ହେବାକୁ ବିଳମ୍ବ ହେବାରୁ ଏଥିରେ ପ୍ରଯୋଜକଙ୍କୁ ଅଧିକ ଟଙ୍କା ଖର୍ଚ୍ଚ କରିବାକୁ ପଡ଼ୁଛି। ଏହାକୁ ନଜରରେ ରଖି ରଣବୀର ନିଜର ପାରିଶ୍ରମିକ କମ କରିବାକୁ ନିଷ୍ପତ୍ତି ନେଇଥିବା ଜଣାପଡ଼ିଛି।
ଏହି ଚଳଚ୍ଚିତ୍ରଟି ଡିସେମ୍ବର ୧ରେ ହିନ୍ଦୀ, ତେଲୁଗୁ, ତାମିଲ, କନ୍ନଡ, ମାଲାୟାଲମ୍ ସମେତ ଅନେକ ଭାଷାରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି ଯେଉଁଥିରେ ରଣବୀର, ରଶ୍ମିକା ମନ୍ଦନା, ବବି ଦେଓଲ୍, ଅନିଲ କପୁର ଏବଂ ତ୍ରୁପ୍ତି ଡିମ୍ରି ପ୍ରମୁଖ ଭୂମିକାରେ ନଜର ଆସିବେ।
[ad_2]
