[ad_1]
ନୂଆଦିଲ୍ଲୀ, ୨୪/୦୯ : ମଧ୍ୟପ୍ରଦେଶର ଇନ୍ଦୋର ସ୍ଥିତ ହୋଲକର କ୍ରିକେଟ୍ ଷ୍ଟାଡିୟମ୍ରେ ଆଜି ଭାରତ-ଅଷ୍ଟ୍ରେଲିଆ ୨ୟ ଦିନିକିଆ ମ୍ୟାଚ ଖେଳାଯିବ । ପ୍ରଥମ ମ୍ୟାଚକୁ ୫ ୱିକେଟ୍ ରେ ଜିତିବା ପରେ ଭାରତୀୟ ଦଳ ସିରିଜରେ ୧-୦ରେ ଆଗୁଆ ରହିଛି । ଆଉ ଏବେ ୨ୟ ମ୍ୟାଚ୍ ଜିତି ସିରିଜ୍କୁ କବ୍ଜା ଲକ୍ଷ୍ୟରେ ରହିଛି ଭାରତୀୟ ଟିମ୍ । ଏହି ଦିନିକିଆ ସିରିଜ୍ ଜିତି ଭାରତୀୟ ଦଳ ବିଶ୍ୱକପ ପାଇଁ ଶକ୍ତି ଏକଜୁଟ କରିବ । ଅନ୍ୟପଟେ ଅଷ୍ଟ୍ରେଲିଆ ପାଇଁ ଆଜି ମ୍ୟାଚ ଗୁରୁତ୍ବପୂର୍ଣ୍ଣ । କ୍ରମାଗତ ୪ଟି ମ୍ୟାଚ ପରାଜିତ ହେବା ପରେ ଅଷ୍ଟ୍ରେଲିଆ ବିଶ୍ୱକପ ପୂର୍ବରୁ ବିଜୟ ସ୍ୱାଦ ଚାଖିବାକୁ ଚାହୁଁଛି । ତେଣୁ ଆଜି ଅଷ୍ଟ୍ରେଲିଆ ଦଳ ସବୁ ଶକ୍ତି ଖଟାଇବାକୁ ପ୍ରସ୍ତୁତ ଅଛି । ଏପିରିକି ଯଦି ଆଜିର ମ୍ୟାଚ୍ରେ ପରାସ୍ତ ହେଉଛି । ତେବେ ସିରିଜ୍ ବି ପରାସ୍ତ ହେବାର ଭୟ ରହିଛି ।
ଭାରତୀୟ ଟିମ୍ ସମସ୍ତ ବିଭାଗରେ ଦମ୍ଦାର ପ୍ରଦର୍ଶନ ଜାରି ରଖିଛି । ଏସିଆ କପ୍ ଟୁର୍ଣ୍ଣାମେଣ୍ଟ ଠାରୁ ଟିମ୍ ଜବରଦସ୍ତ ଫର୍ମରେ ରହିଛି । ଉଭୟ ବ୍ୟାଟର ଏବଂ ବୋଲର ଲଗାତର ଭାବେ ଉଚ୍ଚ ପ୍ରଦର୍ଶନ କରୁଛି । ଖାସ୍ କରି ପାଓ୍ୱାରପ୍ଲେରେ ପେସ୍ ବୋଲର ଓ୍ୱିକେଟ୍ ନେବାର ସକ୍ଷମ ହେଉଛନ୍ତି । ବିଶ୍ୱକପ୍ ଟୁର୍ଣ୍ଣାମେଣ୍ଟ ପୂର୍ବରୁ ସୂର୍ଯ୍ୟକୁମାର ଯାଦବଙ୍କ ଫର୍ମକୁ ଫେରିବା, ନିହାତ ଭାବେ ଟିମ୍ ମ୍ୟାନେଜମେଣ୍ଟ ପାଇଁ ଆଶ୍ୱସ୍ତିକର ଖବର ।
[ad_2]
