ସୁଫି ଗାୟକ ପ୍ୟାରେଲାଲ ପରଲୋକ

ଦେଶ ବିଦେଶ ନ୍ୟୁଜ୍

ଅମୃତସର : ପଞ୍ଜାବର ବର୍ଷୀୟାନ ସୁଫି ଗାୟକ ପ୍ୟାରେଲାଲ ୱାଡାଲିଙ୍କ ହୃଦ୍‌ଘାତରେ ଶୁକ୍ରବାର ପରଲୋକ ଘଟିଛି । ପ୍ୟାରେଲାଲ ଦେଶରେ ସୁଫି ସଂଗୀତ ପାଇଁ ବେଶ ଲୋକପ୍ରିୟ ହୋଇଥିଲେ । ନିଜ ବଡ଼ ଭାଇ ପୁରନଚନ୍ଦ ୱାଡାଲିଙ୍କ ସହ ମିଶି ସେ ସୁଫି ସଂଗୀତ ଗାନ କରୁଥିଲେ । ପ୍ୟାରେଲାଲ ବଡ଼ ଭାଇ ପୁରନଚନ୍ଦକୁ ନିଜ ଗୁରୁ ମାନୁଥିଲେ । ଏହି ଦୁଇ ଭାଇଙ୍କ ଯୋଡ଼ି ବିଶ୍ୱରେ ନିଜର ଅନନ୍ୟ ପରିଚୟ ସୃଷ୍ଟି କରିପାରିଥିଲେ । ନିକଟରେ ସେ କଙ୍ଗନା ରଣାୱତଙ୍କ ଚଳଚ୍ଚିତ୍ର ‘ତନୁ ୱେଡସ୍‌ ମନୁ’ରେ ରଂଗରେଜ ମେରେ… ଗୀତ ଗାଇଥିଲେ । ଏହି ଗୀତ ବେଶ ଲୋକପ୍ରୟ ହୋଇଥିଲା । ପ୍ୟାରେଲାଲ ଗତ କିଛି ଦିନ ଧରି ଅୁସୁସ୍ଥ ଥିଲେ । ତେଣୁ ତାଙ୍କ ବଡ଼ ଭାଇ ପୁରନଚନ୍ଦ ନିଜ ପୁଅ ଲଖବିନ୍ଦର ସହ ମିଶି ମଞ୍ଚରେ ଗୀତ ଗାଉଥିଲେ । ପ୍ୟାରେଲାଲଙ୍କ ପରଲୋକ ସହ ୱାଡାଲି ବ୍ରଦର୍ସ ଭାବେ ଜଣାଶୁଣା ଓ ପ୍ରସିଦ୍ଧ ଯୋଡ଼ି ଭାଙ୍ଗିଯାଇଛି। ୱାଡାଲି ବ୍ରଦର୍ସଙ୍କୁ ୧୯୯୨ରେ କେନ୍ଦ୍ର ସରକାରଙ୍କ ପକ୍ଷରୁ ସଂଗୀତ ନାଟକ ସମ୍ମାନ, ୧୯୯୮ରେ ତୁଳସୀ ସମ୍ମାନ, ୨୦୦୩ରେ ପଞ୍ଜାବ ସଂଗୀତ ସମ୍ମାନରେ ସମ୍ମାନିତ କରାଯାଇଥିଲା ।

Loading...
Loading...
Share It
  • 6
    Shares

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.