ମୋବାଇଲ୍‌ ଲାଗି ଭଉଣୀ ସହ କଜିଆ କରିବା ପରେ ପିସ୍ତଲ ମାରି ଆତ୍ମହତ୍ୟା କଲା ୧୭ ବର୍ଷିୟ ଭାଇ

ଡାକ୍ତରଖାନାର ଜଣେ ଡାକ୍ତରଙ୍କ କହିବାନୁସାରେ, ଡାକ୍ତରଖାନାକୁ ଅଣାଯିବା ବେଳେ ଗୁଲ୍‌ଶନ୍‌ ଦେହରୁ ପ୍ରବଳ ରକ୍ତସ୍ରାବ ହେଉଥିଲା। ସେତେବେଳକୁ ତା’ର ମୃତ୍ୟୁ ହୋଇସାରିଥିଲା।

ଗୁଳିଚୋଟଜନିତ କ୍ଷତ କଳାଚିଆ ଦିଶୁଥିବାରୁ ଗୁଳି ଅତି ନିକଟରୁ ବାଜିଥିବା ଜଣାପଡୁଛି। ତା’ର ପକେଟ ଯାଞ୍ଚ କରାଯିବା ପରେ ସେଥିରୁ ୪ଟି .୭୬୫ ଏମ୍‌ଏମ୍‌ର ଗୁଳି ମିଳିଛି ବୋଲି ପୁଲିସ କହିଛି।

ଗୁଲ୍‌ଶନ୍‌ଙ୍କ ବାପା ରଣବୀର ସିଂହ ସେହରାଓ୍ଵତ୍‌ ଡାକ୍ତରଙ୍କୁ କହିଛନ୍ତି ଯେ ପୁଅ ନିଜକୁ ନିଜେ ଗୁଳି ମାରିଛି। ସେ ଗୋଟାଏ ମୋବାଇଲ୍‌ ଫୋନ୍‌ ଭାଙ୍ଗି ପକାଇ ଥିବାରୁ ଭଉଣୀ ସହ ତା’ର କଜିଆ ହୋଇଥିଲା। ରାଗିଯାଇ ଶନିବାର ରାତିରେ ସେ ଘରୁ ପଳାଇ ଯାଇଥିଲା। ରବିବାର ସକାଳେ ସେ ଘରକୁ ଫେରି ଡୋର୍‌ବେଲ୍‌ ବଜାଇବା ପରେ ନିଜକୁ ଗୁଳି ମାରିଥିଲା। ସିଂହ କହନ୍ତି ସେ କବାଟ ଖୋଲି ଦେଖିଲା ବେଳକୁ ପୁଅ ଲହୁଲୁହାଣ ହୋଇ ତଳେ ପଡ଼ିଛି।

ଅଶୋକ ବିହାରସ୍ଥିତ ସତ୍ୟବତୀ କଲେଜରେ ସ୍କିଲ୍‌ ଡେଭେଲପ୍‌ମେଣ୍ଟ୍‌ ପାଠ୍ୟକ୍ରମରେ ଗୁଲ୍‌ଶନ୍‌ ପ୍ରଥମ ବାର୍ଷିକ ପଢୁଥିଲେ। ତାଙ୍କ ବାପା ମହିପାଳପୁର ଠାରେ ଏକ ଦରିଆପାରି କୋରିୟର୍‌ କମ୍ପାନି ନିମନ୍ତେ ନିଜ ଭ୍ୟାନ୍‌ ଚଳାନ୍ତି।