ମଧ୍ୟପ୍ରଦେଶରେ ଗଠନ ହେବ ଗୋ-ମନ୍ତ୍ରାଳୟ

ଦେଶ ବିଦେଶ

Image result for shivraj chouhan

ଭୋପାଳ : ମଧ୍ୟପ୍ରଦେଶ ବିଧାନସଭା ନିର୍ବାଚନରେ ଚଳିତ ଥର ଗୋ ସୁରକ୍ଷା ଏକ ରାଜନୈତିକ ପ୍ରସଙ୍ଗ ହୋଇଛି। ଏହି କ୍ରମରେ ଶାସନକୁ ଆସିଲେ ରାଜ୍ୟ ବ୍ୟାପୀ ଗୋଶାଳା ନିର୍ମାଣ କରିବ ବୋଲି କଂଗ୍ରେସ ଘୋଷଣା କରିଥିବାବେଳେ ଶାସକ ବିଜେପି ଗୋ ମନ୍ତ୍ରାଳୟ ଗଠନ କରିବ ବୋଲି ଘୋଷଣା କରିଛି। ରବିବାର ମଧ୍ୟପ୍ରଦେଶର ଦୁଇଟି ପୃଥକ ପୃଥକ ରାଲିରେ ଯୋଗଦେଇ ମୁଖ୍ୟମନ୍ତ୍ରୀ ଶିବରାଜ ଚୌହାନ ଏହି ଘୋଷଣା କରିଛନ୍ତି। ଖଜୁରାହୋର ଏକ କାର୍ଯ୍ୟକ୍ରମରେ ଲୋକଙ୍କୁ ସମ୍ବୋଧିତ କରି ଶିବରାଜ କହିଛନ୍ତି ଯେ ପ୍ରଦେଶରେ ଗୋରକ୍ଷା ବୋର୍ଡ ଗଠନ ହୋଇଛି। ଏହି ବୋର୍ଡକୁ ମନ୍ତ୍ରାଳୟକୁ ପରିବର୍ତ୍ତନ କରି ଏକ ପୂର୍ଣ୍ଣ ଗୋ-ମନ୍ତ୍ରାଳୟ ଗଠନ କରିବାକୁ ଯୋଜନା କରୁଛୁ। ସାଗର ଜିଲାରେ ଏକ ସାଧାରଣ ସଭାରେ ଉଦ୍‍ବୋଧନ ଦେଇ ଶିବରାଜ କହିଥିଲେ ଯେ ଏବେ ଗୋ-ମନ୍ତ୍ରାଳୟ ଗଠନ କରାଯିବ। ଏହାଦ୍ୱାରା ଗୋମାତା ଏବଂ ଗୋବଂଶର ସୁରକ୍ଷା ହୋଇପାରିବ। ଏହାସହ ବିଜେପି ପ୍ରଦେଶର ବିଭିନ୍ନ ସ୍ଥାନରେ ଗୋଶାଳା ନିମୟାର କରିବ ବୋଲି ସେ କହିଛନ୍ତି ।
ଉଲ୍ଲେଖଯୋଗ୍ୟ ଯେ ଶିବରାଜଙ୍କ ଏହି ଘୋଷଣା ପୂର୍ବରୁ ରାଜ୍ୟରେ କ୍ୟାବିନେଟ ମନ୍ତ୍ରୀ ପାହ୍ୟା ପାଇଥିବା ସ୍ୱାମୀ ଅଖିଳେଶ୍ୱରନନ୍ଦ ଗୋ ମନ୍ତ୍ରାଳୟ ଗଠନ ପାଇଁ ଦାବି କରିଥିଲେ। ସ୍ୱାମୀ ଅଖିଳେଶ୍ୱରନନ୍ଦଙ୍କ ଏହି ଦାବିକୁ ଜନସମର୍ଥନ ମିଳିବା ପରେ ଶାସନକୁ ଆସିଲେ କଂଗ୍ରେସ ରାଜ୍ୟର ପ୍ରତି ପଞ୍ଚାୟତରେ ଗୋଶାଳା ନିର୍ମାଣ କରିବ ବୋଲି ସେପ୍ଟେମ୍ବର ୨ରେ ଘୋଷଣା କରିଥିଲା। ଏବେ ବିଜେପି ପକ୍ଷରୁ ଗୋ ମନ୍ତ୍ରାଳୟ ଗଠନ ନେଇ ଘୋଷଣା ହୋଇଛି। ଫଳରେ ମଧ୍ୟପ୍ରଦେଶରେ ଗୋ ସୁରକ୍ଷା ଏକ ରାଜନୈତିକ ପ୍ରସଙ୍ଗ ପାଲଟିଛି।

Loading...
Loading...
Share It
  • 12
    Shares

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.