କଣ୍ଟାବାଞ୍ଜି: ରସିକିଆ ରେଳ କର୍ମଚାରୀ ଗିରଫ । ନାବାଳିକାକୁ ଅପହରଣ କରିଥିବା ଅଭିଯୋଗରେ ରେଳବାଇ ଗ୍ୟାଙ୍ଗମ୍ୟାନ୍ ଗିରଫ । କେସିଙ୍ଗା ସହରରେ ରେଳ କର୍ମଚାରୀ ଥିବା ଘନଶ୍ୟାମ ଭୋଇକୁ ମୁରିବାହାଲ ପୋଲିସ ଗିରଫ କରିଛି । ଅନ୍ୟପଟେ ମୁରିବାହାଲ ଥାନା ଅଞ୍ଚଳରୁ ନିଖୋଜ ନାବାଳିକାକୁ ପୋଲିସ ଉଦ୍ଧାର କରିଛି । ତାଙ୍କୁ ଅପହରଣ ଅଭିଯୋଗରେ ଅଭିଯୁକ୍ତଙ୍କୁ ଗିରଫ କରି ପୋକସୋ କୋର୍ଟ ଚାଲାଣ କରାଯାଇଛି ।
ସମ୍ପୃକ୍ତ ନାବାଳିକା ଛାତ୍ରୀ ଜଣଙ୍କ ଗତ ୯ ତାରିଖରୁ ଘରୁ ନିଖୋଜ ଥିବା ନେଇ ତାଙ୍କ ବାପା ଥାନାରେ ଏକ ଏତଲା ଦେଇଥିଲେ । ନାବାଳିକା ଜଣକ କେସିଙ୍ଗା ଅଞ୍ଚଳରେ ଥିବା ପୋଲିସ ଜାଣି ପାରି ରେଳ ବିଭାଗ କୋଠରୀରେ ଚଢାଉ କରି ଉଦ୍ଧାର କରିଥିଲା । ପୋ ଲିସ ଅଭିଯୁକ୍ତଙ୍କୁ ଆଣି ଅଧିକ ତଦନ୍ତ ସହ ଉଭୟ ଛାତ୍ରୀ ଓ ଅଭିଯୁକ୍ତଙ୍କ ଡାକ୍ତରୀ ମାଇନା କରିଥିଲା ।
