ସାଉଥ ସୁପରଷ୍ଟାର ରଜନୀକାନ୍ତ ନିଜର ୭୪ ତ୍ତମ ଜନ୍ମ ଦିବସ ପାଳନ କରିଛନ୍ତି । ତାଙ୍କ ଜନ୍ମ ଦିନରେ ତାଙ୍କ ପ୍ରଶଂସକ ମାନେ ତାଙ୍କ ଠାରୁ ସରପ୍ରାଇଜ ଆଶା କରିଛନ୍ତି । ନିଜ ଜନ୍ମଦିନରେ ସେ ନିଜ ଫ୍ୟାନ୍ସ ମାନଙ୍କୁ ଏକ ସରପ୍ରାଇଜ ଦେଇଛନ୍ତି । ତାଙ୍କ ଅପକମିଙ୍ଗ ଫିଲ୍ମ କୁଲିର ଏକ ଗୀତ ଚିକୁଟୁ ପ୍ରୋମୋ ରିଲିଜ ହୋଇଛି । କୁଲି ସୁପରଷ୍ଟାର ପାଇଁ ଏକ ଫିଲ୍ମ ଅଛି । ଏହି ଫିଲ୍ମ ଆକ୍ସନ ଥ୍ରୀଲର ଅଟେ । ଯେଉଁଥିରେ ରଜନୀକାନ୍ତଙ୍କ ସହ ନାଗାର୍ଜୁନ,ଉପେନ୍ଦ୍ର,ସୋବିନ ସହିଦ,ସ୍ତୁତି ହାସନ,ସତ୍ୟାରଣଙ୍କ ଭଳି ନାମୀଦାମି କଳାକାର ଏହି ଫିଲ୍ମରେ ନଜର ଆସିବେ ।
ଫିଲ୍ମ ନିର୍ମାତା ଏପର୍ଯନ୍ତ ଫିଲ୍ମର ଅଫିସିଆଲ ରିଲିଜର ଡେଟ ବିଷୟରେ ଘୋଷଣା କରିନାହାନ୍ତି । ୨୦୨୫ରେ ଏହି ଫିଲ୍ମ ରିଲିଜ ହେବାନେଇଁ ସମ୍ଭାବନା ରହିଛି । ଫିଲ୍ମ ନିର୍ମାତା ମାନେ ରଜନୀକାନ୍ତଙ୍କ ଜନ୍ମ ଦିନକୁ ଅଧିକ ଖାସ କରିବା ପାଇଁ ନିଷ୍ପତ୍ତି ନେଇଥିଲେ । ଯାହାକି ରଜନୀକାନ୍ତଙ୍କ ଜନ୍ମଦିନରେ ଟିକୁଟି ଗୀତର ପ୍ରୋମୋ ରିଲିଜ କରି ରଜନୀକାନ୍ତଙ୍କ ଫାନସ ମାନଙ୍କୁ ଖୁସି କରି ଦେଇଥିଲେ ।
୧୯୫୦ ମସିହା ଡିସେମ୍ବର ୧୨ ତାରିଖରେ ମହାରାଷ୍ଟ୍ରରେ, ମରାଠୀ ପରିବାରରେ ଜନ୍ମ ନେଇଥିଲେ ଶିବାଜୀ ରାଓ ଗାଏକ୍ୱାଡ୍। ବସ୍ କଣ୍ଡକ୍ଟର୍ ଥିବା ଶିବାଜୀ ଥିଏଟର୍ ଓ ପରେ ତାମିଲ୍ ଫିଲ୍ମରେ ଏଣ୍ଟ୍ରି କରିଥିଲେ । ୧୯୭୫ରେ ତାମିଲ ଫିଲ୍ମ ‘ଅପୂର୍ବ ରଙ୍ଗଲା’ରୁ ପାଦ ଥାପିବା ପରେ ତାଙ୍କ ନାଁ ଆଉ ପରିଚୟ ବଦଳି ଯାଇଥିଲା । ଶିବାଜୀ ରାଓରୁ ସେ ବନି ଯାଇଥିଲେ ରଜନୀକାନ୍ତ । ଲୋକେଶ କନକରାଜଙ୍କ ଦ୍ବାରା ନିର୍ଦେଶିତ ହୋଇଥିବା ଫିଲ୍ମ କୁଲି ପ୍ରଥମରୁ ହିଁ ବହୁ ଚର୍ଚ୍ଚିତ ଫିଲ୍ମ ଭାବେ ବେଶ ପରିଚିତ । ଏହି ଫିଲ୍ମର ସୁଟିଙ୍ଗ ଜୟପୁରରେ ହେଉଛି ।
ଯେଉଁଥିରେ ରଜନୀକାନ୍ତଙ୍କ ସହିତ ଆମୀର ଖାନଙ୍କୁ ଦେଖିବାକୁ ମିଳିବ । ଏହି ଫିଲ୍ମଟି ସେପ୍ଟେମ୍ବର ୨୦୨୩ରୁ ଆରମ୍ଭ ହୋଇଥିଲା । ଯେବେ ଏହାକୁ ପ୍ରଥମ ଥର ବୁକିଙ୍ଗ ଟାଇଟଲ ୧୭୧ ସହିତ ଘୋଷଣା କରାଯାଇଥିଲା । ଏପ୍ରିଲ ୨୦୨୪ ରେ ପ୍ରଡକସନ ଆରମ୍ବ ହୋଇଥିବା ବେଳେ କିଛି ସମୟ ପୁର୍ବରୁ ଆନୁଷ୍ଠାନିକ ଭାବେ ଏହି ଫିଲ୍ମର ନାମ କୁଲି ଦିଆଯାଇଥିଲା ।
କୁଲିର ସୁଟିଙ୍ଗ ହାଇଦ୍ରାବାଦରେ ପ୍ରଥମେ ଆରମ୍ଭ ହୋଇଥିଲା । ଏହାପରେ ବିଶାଖାପାଟଣା, ତାପରେ ଜୟପୁରରେ ସୁଟିଙ୍ଗ ଚାଲୁ ରହିଛି । ତେବେ ରଜନୀକାନ୍ତ ଙ୍କ ଫ୍ୟାନ୍ସ ମାନେ ୨୦୨୫ରେ ଏହି ଫିଲ୍ମକୁ ଦେଖିବା ପାଇଁ ଅପେକ୍ଷା କରିଛନ୍ତି । ଆପଣଙ୍କୁ କହିରଖୁଛୁ ଏହି ପିଲ୍ମରେ ମ୍ୟୁଜିକ ଅନିରୁଦ୍ଧ ରବିଚନ୍ଦର ଦେଉଛନ୍ତି ଏବଂ ଫିଲୋମେନ ରାଜ ସମ୍ପାଦନ କାର୍ଯ୍ୟ ପରିଚାଳନା କରିବେ ।
